PROXECTA EMIGRACIÓN: ESTE VAISE E AQUEL VAISE...

O 29 de outubro celebramos o Magosto e fixémolo coincidir co Samaín, dada a situación sanitaria que se estaba a vivir nestes intres, para evitar máximos días de exposición a contaxios. Planificouse a actuación do grupo Queiroa, tanto para infantil como para Primaria, e ademais contamos coa presenza de Lupe Blanco, para cuxa actuación preparamos rimas nas aulas, utilizando o léxico aportado dende o EDLG, relacionado co Magosto e o Samaín. O alumnado participou activamente con esta regueifeira, así como na produción de rimas e poemas.

  5.  A EMIGRACIÓN NAS AVES. O alumnado aprendeu que, igual que algunhas persoas tiveron e teñen que emigrar a outros países por diferentes motivos, sobre todo na búsqueda de emprego, as aves tamén emigran chegado o inverno, buscando terras máis calurosas. Aprenderon como emigran desplazándose en bandadas e cales son as aves que adoitan emigrar coa chegada do frío: os paspallás, os patos, as anduriñas, os cucos, as cegoñas, as abubillas. Traballamos a lectoescritura escribindo os nomes destas aves en maiúscula e minúscula en fotografías plastificadas.