6ºB DE EDUCACIÓN INFANTIL CONMEMORACIÓNS TRABALLADAS

 1. CONMEMORACIÓNS TRABALLADAS.

23 de febrero: Día de Rosalía de Castro

O alumnado traballou a figura de Rosalía, considerada a poetisa da emigración, sobre todo polo seu libro de poemas “Follas Novas”, no que fala dos emigrantes que marchaban de Galicia cara a América.

Analizaron o poema “Pra a Habana!” e a fotografía de Manuel de Ferrol, fotógrafo da emigración.

¡Pra a Habana!, Rosalía de Castro Vendéronlle os bois, vendéronlle as vacas, o pote do caldo i a manta da cama. Vendéronlle o carro i as leiras que tiña; deixárono sóio coa roupa vestida. "María, eu son mozo, pedir non me é dado; eu vou polo mundo pra ver de ganalo. Galicia está probe, i á Habana me vou... ¡Adiós, adiós, prendas do meu corazón!" "¡Ánimo, compañeiros! Toda a terra é dos homes. Aquel que non veu nunca máis que a propia, a iñorancia o consome. ¡Áńimo! ¡A quen se muda Dio-lo axuda! ¡I anque ora vamos de Galicia lonxe, verés desque tornemos o que medran os robres! Mañán é o día grande, ¡á mar, amigos! ¡Mañán, Dios nos acoche!" ¡No sembrante a alegría, no corazón o esforzo, i a campana armoniosa da esperanza, lonxe, tocando a morto! Éste vaise i aquél vaise, e todos, todos se van. Galicia, sin homes quedas que te poidan traballar. Tes, en cambio, orfos e orfas e campos de soledad, e nais que non teñen fillos e fillos que non tén pais. E tes corazóns que sufren longas ausencias mortás, viudas de vivos e mortos que ninguén consolará.

Ademáis, disfrutaron bailando e cantando a canción: “Sempre Rosalía” do grupo musical Kókiti Música,

un rap no que se expoñen algúns aspectos da vida de Rosalía e algúns efectos da súa obra no tempo.

https://www.youtube.com/watch?v=YaU51ycizYw

 

17 de maio 2022: Letras galegas adicadas a Florencio Delgado Gurriarán.

Para conmemorar o Día das Letras galegas, o alumnado realizou varias actividades:

- Aprenderon algún datos sobre a vida e a obra de Florencio Delgado, un escritor galego que emigrou a México.

- Elaboraron un marcapáxinas coa figura de Florencio Delgado.

- Aprenderon o poema de Florencio “Ai ven o maio”, escoitando o poema musicado en Youtube https://www.youtube.com/watch?v=y5hCzwZtPjA

- Escribiron palabras en galego para o mural do centro.

- Asistiron á actuación do Coro Santa Comba de Veigue.

- Escoitaron música e cancións tradicionais galegas como a “Muiñeira de Chantada” e “A rianxeira”.