A PRENSA, A REALIDADE E OS MOVEMENTOS MIGRATORIOS 6º C

 O alumnado de 6ºC, no segundo trimestre, analizou os movementos migratorios a partires dos sectores de traballo, primario, secundario e terciario. Neses momentos estaba a comezar con fervente ímpetu a guerra de Ucrania, e os medios de comunicación facíanse eco das tristes novas. Posto que recibiamos a prensa cada semana, traballamos estes temas de Ciencias Sociais A PARTIR DE REALIDADE,  das novas dos xornais, da televisión, da economía, e como nos estaba a afectar e nos ía afectar nos distintos sectores de traballo; traballamos as vías de comunicación, o comercio por terra e mar; traballamos a Bolsa e os termos económicos que ían saíndo no xornal; e traballamos  as distintas siglas e acrónimos que nos ían salpicando día a día.

E, finalmente, traballamos a emigración como un proceso de búsqueda de liberdade, de evasión da dor e do sufrimento, moitas veces, que continuaba noutros países debido á morriña pola terra propia. 

Poidemos obsevar videos e fotografías de refuxiados doutros países que non fosen só Ucrania, xa que había bastante descoñecemento da cantidade de guerras que están activas hoxe en día. 

E con este traballo, de novo por grupos cooperativos, buscando información por vía dixital, debuxando, e realizando os murais correspondentes, tentamos que estas situacións de hoxe en día non caesen en saco baldeiro na mente dos preadolescentes.